මගේ පුතුට බුදු සරණයි
මගේ පුතුට දම් සරණයි
මගේ පුතුට සඟ සරණයි
මේ තුන් සරණේ සරණයි
මගෙ වස්තුව නුඹයි පුතේ
මගෙ සම්පත නුඹයි පුතේ
මගෙ ඇස් දෙක නුඹයි පුතේ
මට මගෙ පණ නුඹයි පුතේ
රන්වන් මුව පොඩිය පපා
හිනැහෙන පුත සඳ වැන්නේ
හිනැහෙන සඳ මා උර මත
මා නිරිඳෙකු කරවන්නේ
රට ජාතිය හා ආගම
ගහකොළ හා සතුන ද සැම
රැකගන් පුත නුඹ පණ මෙන
එය පුත නුඹගේ යුතුකම
සම්බුදු සදහම් වරුණේ
නුවණින් දැකගන් පුතුනේ
ඒ නුඹ සැනසුම මඟ බව
සැම දින සිතනුය පුතුනේ
6.05.2014
Subscribe to:
Post Comments (Atom)
No comments:
Post a Comment