හැපියෙන් සිටින හිපියන්ගේ ඉතිහාසයෙන් බිඳක් (පින්තූර කතාවක්)

1960 හා 1970 දශකයන්වලදී සමාජය සමඟ අතෘතිමත් වූ කාන්තාවන් පිරිසක් සහ වියට්නාම යුද්ධයෙන් පෙරළා පැමිණි පිරිමින් පිරිසක් ඔවුන්ගේ ම දේශය (ඇමරිකා එක්සත් ජනපදය) විසින් සාදරයෙන් පිළිනොගත් අමුත්තන් බවට පත්වූ නිසාවෙන්, ඊට තම අසතුට ප්‍රකාශ කිරීම සඳහා යමක් කිරීමට සිතා ගත්තේ ය. බොහෝ විද්‍යාල සිසුන් හා රැකියා විරහිත පිරිස්වල ද සමාජයේ සමාන අයිතිවාසිකම් නොලත් පිරිස්වල ද කොන්කිරීම හා අසමතාව නිසා සමච්චලයට පත්වූ පිරිස්වල ද අවදානය ඊට ලැබිණි.

1972 දී Taylor Camp වෙත පැමිණි රළ මත ලිස්සා යන්නෙක් වන David Pearson 'මට නැවත යා හැකි නම්, මේ මොහොතේ ම මම පිටත් වන්නෙමි' යැයි පවසයි. මේ වන විට 67වන වියේ පසුවන ඔහු විශ්‍රාමික ගුරුවරයෙකි. 'එහි මා ගත කළ ජීවිතය තරම් වඩාත් නැවුම් හා ලස්සන ජීවිතයක් ගැන මට සිතා ගත නොහැක. මාගේ ජිවිතයේ ඉතාමත් අර්ථ සම්පන්න අත්දැකීම වන්නේ එයයි. ' ඡායාරූප - Messy Nessy Chic

මෙම  ගැටළු හිපි ව්‍යායාපාරයේ ආරම්භය වූ අතර ඒ සමඟින් ම ප්‍රජා කොට්ඨාස ද ඇති විය. මෙම ප්‍රජා  කොට්ඨාස වූ කලී,  ඇමරිකා එක්සත් ජනපදයේ පැවති වියරු බවින් මිදී, මූලික වශයෙන් ම එක හා සමාන අදහස් ඇති මිනිසුන් වඩාත් කෘෂිකාර්මික අංශයට නැඹුරු වූ දිවිපෙවතක් ගෙවූ ජනයා ජීවත්වන ප්‍රදේශ හා ගම්මාන විය.

ඔවුනට තමුන්ගේ  විශ්වාසයන් හා ආත්මයන් පිළිබඳව වඩාත් හොඳින් ගවේෂණය කිරීමට හැකියාව ලැබිණ. කැන්සාස් (Kansas) විශ්ව විද්‍යාලයේ මහාචාර්ය තොමොති මිලර් (Timothy Miller) පවසනා ආකාරයට "...ඊට හේතු වූ දේ විසින් එය මෙහෙයවනු ලැබ ඇත. වර්තමානයේ මේ එළැඹ ඇත්තේ ගුප්තමය  මෙන්ම අන්තර්ඥාමය ... වෙත නැවත ගමන් කිරීමේ කාලයයි... හිපියන් ගොවිකම වෙනුවෙන් කාර්මීකරණය ද, ස්වභාවික දේ වෙනුවෙන් ප්ලාස්ටික් ද, කාබනික දේ වෙනුවෙන් කෘතීම දේ ද ප්‍රතික්ෂේප කර ඇත."

මෙකී සෑම ප්‍රජා කොට්ඨාසයක් ම එකිනෙකට වෙනස් විය. සමහරුන් අතිශයින් ම ආගමානුකුල වූ අතර  සමහරුන් වඩාත් ලෞකික මෙන් ම පොළොව සමඟ වඩාත් බැඳී සිටියේ ය. සමහරුන් මත්ද්‍රව්‍ය භාවිතයට හුරු දිවියක් ගෙවූ අතර වෙනත් අය මත්නොවූ තදින් ම සන්සුන් බවේ ඇලීගැලී සිටියේ ය. ඒ එක් එක් ප්‍රජා කොට්ඨාසයකට ම ඔවුනට කියා වෙන ම ආගමික මාධ්‍යස්ථානයක් හෙවත් පල්ලියක් විය. 'මූලාශ්‍ර  කුටුම්භය' හෙවත් Source Family නමින් හැඳින් වූ ප්‍රජා කොට්ඨාසය මේ අතරින් වඩාත් පුදුමසහගත ප්‍රජා කොට්ඨාසය වූයේ ය. 'මූලාශ්‍ර කුටුම්භ' ආරම්භ කරන ලද්දේ අධ්‍යාත්මික නායක Ed Baker විසිනි. ඔහු වඩාත් ප්‍රරසිද්ධියට පත්ව සිටියේ Father Yod යන නමිනි.

මෙම කුටුම්භය ව්‍යාවසායකයින්ගෙන් සමන්විත විය. ලොස් ඇන්ජලීස් හි ප්‍රථම නිර්මාංශ අවන්හල ආරම්භ කරන ලද්දේ ඔවුන් විසිනි. අසාමාන්‍ය ජීවන රටාව, දිගු හිසකේ හා රැවුල් හේතුවෙන් ඔවුන් වඩාත් ප්‍රසිද්ධියට පත් විය. පාදයෙන් ක්‍රියාකරන සැහැල්ලු ගුවන් යාන අනතුරකින් Father Yod 1977 දී මිය ගියේ ය. ඒ සමඟම 'මූලාශ්‍ර කුටුම්භය' කොටස්වලට කැඩී ගියේ ය.

පහත දැක්වෙන්නේ 1960 හා 1970 දශකවලදී හිපි සමාජයේ පැවැත්ම ද 'මූලාශ්‍ර කුටුම්භය' විසිරී යාමට පෙර එහි ස්වාභාවය ද පෙන්වා දෙන අපූරු ඡායාරූප සමූහයකි.

ඡායාරූප - Fans In A Flashbulb  (ඡායාරූශිල්පී - John Olsen)

Taylor Camp හි දී ඇඳුම් භාවිතය තම සිතැඟි පරිදි තීරණය කිරීමට හැකි විය. ඡායාරූප - Messy Nessy Chic

Taylor Camp හි පැවතියේ ඉතා අඩු පහසුකම් ප්‍රමාණයකි. විදුලිය නොවීය. ඡායාරූප - Messy Nessy Chic

ඡායාරූප - Fans In A Flashbulb (ඡායාරූශිල්පී - John Olsen)

කූඩාරම් දිවියක් ගෙවනා කලින් බැංකු පරිගණක විශේෂඥයෙක් වූ රොන් නම් පියා හා නැන්සි නම් මව රාත්‍රී නින්දට පෙර තම දරුවන්ට කතන්දර කියා දෙන අවස්ථාවක්. 1969 දී Sunny Valley හි Oregon පළාත. ඡායාරූප - LIFE සගරාව John Olson විසින් ගන්නා ලදී

පාසැල් බසයක නැග ඉන්නා හිපි සාමාජිකයින්. ඡායාරූප - My Web

ඡායාරූප - Sara Davidson

හවායි හි සංචාරක ව්‍යාපාරයේ නැගීමත් සමඟ රජය විසින් Taylor  Camp එක ඉවත් කරන ලදී. 1977 දී රජය විසින් එම භූමිය අල්ලාගෙන ගම්මානය ගිනි තබා විනාශ කළේය. මුළු ප්‍රදේශයම Na Pali ජනපද උද්‍යානය බවට පත් කරන ලදී. ඡායාරූප - Messy Nessy Chic

සාමාජිකයින් 170 සමන්විතව ගොවිපළ අද දවසේ ද ක්‍රියාත්මක වේ. ඡායාරූප -  The Atlantic

මුල් කාලයේ දී ප්‍රජා කොට්ඨාසයේ, ගොවිපල් සාමාජිකයින් ඉතා දැඩිව 'දුගීබවේ පොරොන්දු දුන්නේය'. ඔවුන් සතු වූ දේඉතා සීමා සහිත විය. කෘතීම උපත් පාලන ක්‍රම,  මද්‍යසාර, දුම්කොළ, සත්ව නිෂ්පාදන භාවිතා නොකළ අතර මෙය ඉතා අසාමාන්‍ය මානසික තත්ත්වයක් විය. ඡායාරූප -  Steven War Ran

ඔවුන් උණබට, ඉවතලන සුන්බුන්, වෙරළට පා වී ආ නොයෙක් අමුද්‍රව්‍ය වැනි තමන්ට සොයාගත හැකි ඕනෑම දෙයක් උපයෝගී කර ගනිමින් වෙරළේ පිහිටි ගස්මත තම නිවාස සාදා ගත්තේය. ඡායාරූප - Messy Nessy Chic

ඔවුන් ප්‍රධාන භූමියෙන් (මෙන්ම ආහාර සලාකවලින් ද) වෙන්ව ජීවත් විය. ඡායාරූප - Messy Nessy Chic

හිපියන් සාමාජිකයින් 13 දෙනෙකු විසින් ප්‍රජා කොට්ඨාසය පිහිටුවන ලදී. වියට්නාම යුද්ධය හා ප්‍රධාන භුමියේ පැවති නොනවතින පොලිස් කෲරත්වය හේතුවෙන් හෙම්බත්වී සිටි ඔවුන් පාරාදීසයක් වැනි මෙම දූපතට පැන ආවේය. ඡායාරූප - Messy Nessy Chic

පැරණි වියට්නාමිකයින්ට එදිනෙදා දිවියේ පැවති ආතතියෙන් මිඳීම සඳහා Taylor Camp ක්‍ෂේමභූමියක් විය. ඡායාරූප - Messy Nessy Chic

නීතිරීති, දේශපාලනය හා ගෙවීම් කළ යුතු නොයෙක් වර්ගයේ බිල් වර්ග නැති හවායි හි Taylor Camp නවාතැන, නිවර්තන කළාපීය සමුද්‍රය ඉදිරියේ පිහිටි මනෝරාජ්‍යයක් විය. ඡායාරූප - Messy Nessy Chic

70 දශකයේදී කරලියට ආ එක් වඩාත් සිත්ගන්නා සුළු මෙන් ම පුදුමසහගත ප්‍රජා කොට්ඨාසය වූයේ 'මූලාශ්‍ර කුටුම්භය' හෙවත් Source Family වේ. ඡායාරූප - Messy Nessy Chic

Source Family හෙවත් 'මූලාශ්‍ර කුටුම්භය' හි නිර්මාතෘ, සටන් කලා ශිල්පී, හොලිවුඩ් හි අවන්හල්කරු, අධ්‍යාත්මික නායක, තමා විසින් Father Yod හඳුන්වනු ලබන දැකීමට කැමැත්ත පළ කළ Ed Baker. ඡායාරූප - Messy Nessy Chic

Father Yod තරුණයෙක් නොවීන. ඔහුට සිටි තරුණ, ලස්සන බිරියන්ගේ ගණන 13 කි. ඔහුගේ මෙම කාමයෙහි ඇළුණ ස්වභාවය ඉතා බරපතල විවේචනය ගෙන ආවේය. ඡායාරූප - Messy Nessy Chic

Source Family කාන්තාවන් Hollywood Hills හි පිහිටි තම නිවාස ඉදිරියේ සිටිනා අවස්ථාවක්. ඡායාරූප - Messy Nessy Chic

බිරියන් 13 දෙනෙකු සිටි Father Yodට බොහෝ දරුවන් සංක්‍යාවක් ද සිටියේ ය. ඡායාරූප - Messy Nessy Chic

Source Family සංගීත කණ්ඩායම සෑම උදෑසනකම 3වන විට පුහුණුවීම් ආරම්භ කළේය. රොක් සංගීතය මුසු  අධි චිත්තවේගී ගීත හා යාතිකා 60 වඩා ඔවුන් විසින් නිර්මාණය කළේය. ඡායාරූප - Messy Nessy Chic

Father Yodගේ දේහය අසල නිදිවැරීම. ඡායාරූප - Isis Aquarian

ප්‍රධාන මූලාශ්‍රය - 'Higher Perspective' නම් වෙබ් අඩවියේ පළ වූ' Eye Opening Images Of One Of America’s Hippy Communes' නම් ලිපියේ පරිවර්තනය
වෙනත් මූලාශ්‍ර - Meet The New Aquarians : Society’s Dropouts: 48 
                            Eye-Opening Photos Of America’s 1970s Hippie Communes