කව්ද ඔබ

ඈතින්
මුමුනණු ඇසුනා
ඔබේ නම.
.... බාදුරා.
සිතනු ඇත
රැවටුනා කියා මා.
දිනුමක් හෝ පැරදුමක් නොවේ,
උණුහුම සොයන්න
ආ ගමනකි මෙය.
එත්
උණුහුමට
ආගන්තුකය
ඔබ.
පොඩිකර මා
හපයක් වෙනතුරු,
සාරය මා ගත
උරාගත්තා ඔබ.
කාරුණික වෙන්න
එත්
පෙන්නන්න වෙස් මුහුණ
අන් අයට
නැඟෙනවිට ඔබ
ජීවය අරගෙන
කියන්න මට,
මියැදෙනා මේ මොහොතේ
කව්රුද ඔබ ?
බාදුරා ?
මුසාවකි එය
විස්වාස කල නොහැකි.
කව්රුද ඔබ ?
කුහුඹුවෙකි මම.
ඔබ කෙමිය තුළ සැඟව
පතුල මත මියෙන
කුහුඹුවෙකි මම.